Hum express nahi karte,
phir bhi sab keh dete hain.
Hum plan nahi banate,
phir bhi hum mil lete hain.

Baatein dhoondni nahi padti,
woh khud-ba-khud ho jaati hain.
Aur jab saath hote hain,
toh sadiyan lamhon mein kho jaati hain.

Kabhi chai pe milte hain,
kabhi yun hi chal dete hain.
Haste-haste na jaane kab,
poori shaam nikal dete hain.

Kuch yaadein soch kar nahi,
bas aise hi ban jaati hain.
Hum kuch khaas karte nahi,
phir bhi woh baatein yaad reh jaati hain.

Na koi formality,
na koi hisaab hota hai.
Bas ek ping aata hai screen pe,
apna program taiyaar hota hai.

Hum express nahi karte,
par sukoon se mehsoos karte hain...
Aisi hain apni yaari,
jo jaan se bhi hain pyaari!